Hurma

Гурт HURMA з Мінску грае «халодны» еўрапейскі поп-рок з беларускімі тэкстамі. Менш чым за год гурт выдаў 5 студыйных сінглаў, якія зараз гучаць на радыё. Дэбютная песня «Шукай» патрапіла ў ратацыю да 20 расійскіх радыёстанцый, а таксама прадставіла гурт HURMA на дыску «Рок-танцы Славян» разам з Океан Эльзі, Бумбокс, Воплі Відоплясова, а таксама стала «Беларускамоўным хітом» на Песні Года тэлеканала ОНТ.

«Дэбют году 2013» па версіі парталу Tuzin.fm.

Музыканты спрабуюць новыя формы падачы матэрыялу. Так песню «Амазонка» HURMA выпусціла на паштоўках і наўпрост разаслала на дамашні адрас сваім прыхільнікам па ўсёй Беларусі, а таксама ў Расію, Украіну, Германію і ЗША.

У складзе гурта Мікіта Найдзёнаў - вакал, гітара, піяніна, Андрэй Хазяеў - ударныя, Сяргей Карпенчук - бас, Арцём Кутлунін - гітара.

▪ Праект HURMA заснаваны восенню 2012 года.